استاد حیدر عباسی(باریشماز)
حیدر عباسی در سال ۱۳۲۲ در شهر مراغه به دنیا آمد. تحصیلات ابتدایی و متوسطه را در مراغه و تحصیلات عالی را در دانشگاه آذرآبادگان با اخذ لیسانس زبان و ادبیات انگلیسی به پایان رساند.
استادحیدر عباسی شاعر توانای شهر مراغه که در اشعار خود باریشماز تخلص می کند نمونه یک انسان کامل بوده و این بزرگمرد به 6 زبان انگلیسی-فرانسه-روسی-عربی-ترکی و فارسی اشراف کامل دارند و در زمینه هنر نقاشی و خوشنویسی نیز جزو اساتید به شمار می روندوخالقٍ آثار ارزشمندی چون ترجمه مثنوی معنوی و نهج البلاغه به زبان ترکی می باشد همچنین شاعربیش از ده کتاب نفیس شعر ونمایشنامه ترکی نوشته است . باریشماز شاعر (نفرت ) نام دارد ودر تمام آثارش به این نکته اشاره کرده است در هر حال آثار باریشماز سرشار از فولکولورغنی اذربایجان است و استاد یحیی شیدا آثار وی را دایره المعارف ترکی میداند.درزیر اسامی کتابها و چند اثر از استاد تقدیم شما عزیزان می گردد.
* نغمه داغی و اس‍ت‍ع‍م‍ار، ۱۳۶۳
* کعبه و قانلی اذان و یار و ن‍ار، ۱۳۷۹
* ترجمه و تفسیر مثنوی معنوی: شرح ان‍ور، ۱۳۸۱
* گ‍ول‍ن‍ده ه‍رزام‍ان م‍ش‍اعیر و شیطا ن، ۱۳۸۲
* س‍س، ۱۳۸۲
* دووارلار، ۱۳۸۲
* اودوم‍ل‍و دیره‌ک، ۱۳۸۳
* نغمه داغی، ۱۳۸۳
* چ‍اغیریلما میش ق‍ون‍اق‍لار، ۱۳۸۳
* م‍خ‍ن‍ث‌ل‍ری، ۱۳۸۳
* وال‍ع‍ص‍ر، ۱۳۸۴
* دارت‍ی‍ل‍م‍امیش دن‍ل‍ر (ح‍ی‍ک‍ایه لر)، ۱۳۸۴
* تبت یدا... ، ۱۳۸۶
* نمی‌ازیم: ترجمه و شرح دعای صباح حضرت امیرالمومنین علی علیه السلام، ۱۳۸۸
هو ترجمه مثنوی اثر استاد حیدر عباسی(باریشماز)
گل ائشــیت نئیــدن شــــكایت ائیـــله‌ییـر آیــریْلیـقــــلاردان حــــكایت ائیــله‌ییــر
تا قامیْــشلیقــــدان اؤزولـــدو الفتیـــم آغلادیْــب دؤنیانــیْ ســوْنسـوز محنـتیــم
هجــردن یانمــیْش اؤرك‌دیـــر ایستـه‌ییـم اشتیـاقیْــن آغــر‌یْسیـــن تا سـؤیلـه‌ییـــم
اؤز كؤكـوندن كیمسـه كیـم دؤشـدو اوزاق آختـــارار بیـــرلشمـــه‌یه داییـــم یـاراق
جمـعلــــرده آه و نالـــم سالـــدیْ ایـــز موتلو هـم موتسـوزلا اوْلـدوم دیـز به دیـز
یـار اوْلــور هـركس منـه بیـر ظـنّ ایلـــن یـوْخ ایشـی سینـه‌مـده اوْدلــو سیــررینـن
لیـك نالمـــدن دگیـــل سیْــرریــم اوزاق گـؤرمه‌مـزلیـك گـؤزلـره اوْلمــوش دوزاق
تـن روانــدان جـان‌دا تنـــدن آیـریْ یـوْخ گؤرمـه‌یـه جانـی بو جیسمیـن اذنـی یـوْخ
نئــی‌ده‌كی نالــه دگیــل یئــل، اوْددور اوْد بــو اوْدا اوْدلانمــایـان جنــدك‌دی خــوْد
نئـی‌ده‌كی اوْد مئـی‌ده‌كـی قایناقـدیْر عشـق عشـق دورغـونلوق دگیـل اوْیناقـدیْر عشق
نئیــدی یاردان آیــریْـلانــلار همـــدمـی نئیــدی ییْـرتان نالـه‌ســی ایلـن پــرده‌نی
نئـی‌كیـمی دردی، دوانـیْ كیـم گــؤرؤب نئـی‌ده‌كی سیـزقیْن نـوانی كیـم گـؤرؤب
قانـلیْ یوْللاردان آچیْـر سـؤز اوْدلـو نئـی اوْدلانـانـلاردان آچیْــر سـؤز اوْدلـو نئـی
بـوردا هـوش تاپماق باییْلماقـدیر گـؤزل مست‌لیـك ایچــره آییْلـماقـدیـر گـؤزل
غصـه‌میـــزدن قــرنلـر قالـــدیْ ملـــر سـوزونـان بیــرلشـدی آیـلار هفتــه‌لـر
گؤنلریم گئچدی قوْی اؤتسؤن عیبی یوْخ قال‌گیْنـان سن ائی‌كی سنـدن غیـری یوْخ
گـؤن قاراتـدیْ عشقــدن پایسیْــز یقیـن یانقـیْ‌سی سـؤنـدوْ بالیْقـدان غیـری‌نیـن
پیش‌می‌شیـن حالیْـن گـؤزل خام آنلاماز قیْسسا گل خـامیْ یئتیش‌میـش دانـلامـاز
عاشورا اثر استاد حیدر عباسی(باریشماز)
مناعت ذیروسینده بسله نن عنقادیر عاشورا
دؤشوندن طورلار باش قالدیران سینا دیر عاشورا
او زامانکی قان ایچن لر ایکیلیک آتشین یئللر
گرکدیر یئللره قاتسین قیامین نغمه سین سئللر
اؤلوم میدانی نی بیلسین، شرافت بستری ائللر
عدالت نعشی نین اوسته قوپان غوغا دیر عاشورا
بو گون عذرای حریت عدالتله ائدر وصلت
عدالت بسله نن یئرده دایانانماز، قاچار ذلت
یاریلار ضولمتین باغری، ایشیقدان کام آلار میللت
شهادت بویلوسون دوغدورماغا لعیا دیر عاشورا
یارارسیز لار او زامان کی تاپار دیرناق سورر فرمان
شرف مرزین قوروماق او چون چاغیرار بیزلری جانان
شهادت بیر قاتی یایدیر شیرین جانلار اونا پیکان
قوچاقلیق کلمه سینده گیزله نن معنادیر عاشورا
آییقلیق ساغریندن اسره ینلر یاتماییب یاتماز
محبت مولکونون لئیلاسی عشقین ساتماییب ساتماز
قبوله یئتمه ین قوربان مینایه چاتماییب چاتماز
شهادت طورونه یول گؤسترن موسی دیر عاشورا
او زامان کی قودورقانلار قودوزلار تک سورو باغلار
کول اولار یانقیدان کوللار، سوسوزوندان ملر داغلار
آداملیقدا کوسر اینسان رذالت آلنینی داغلار
رذالت پیسلییین توختاتماغا عیسی دیر عاشورا
اگر قانلی قیاملاردان بقایه ال تاپا اینسان
آخان قاننان یئر اوزونده پوزوقلوقلار تاپا درمان
هامی علوی حرکتلر دیرده اولسالار عمان
دیرده قطره دیر لاکین گئنیش دریادیر عاشورا
او زامان کی سینه لرده اورک برکیر اولار خارا
سانار حققین موغانیندا ازیلگن لر اؤزون سارا
حرکتدن قالار قیچلار داها دیزدن گئدر یارا
دامار لار دان آخان قاندیر، دیزه یارادیر عاشورا
گرک گزسین حقیقتدن الینده باده حریت
عاغیلا سیغمایان ایشلر تاپا گؤزلرده عینیت
اؤله من من دیین اینسان، سینا دیوار قومیت
حقیقت آشناسین اسره دن صهبا دیر عاشورا
شهادتله گرک توتسون ایگیت لر ظالیمین یاسین
اوجا دامنان یئره سالسین هامی خایین لرین تاسین
قانیندان تورپاغین اوسته یازیلسین سوره یاسین
دوشونسون ذره لر آخیر،بؤیوک دونیادیر عاشورا
فساد اکدیکجه ظالیملر، دؤنوب نیفرت دره جکلر
اولاجاق هر گون عاشورا مین عاشورا گؤره جکلر
ائلین عصیان سسین ائللر گله جکله هؤره جکلر
عدالت بیر قاپی اولسا اونا لولا دیر عاشورا
یازا باش ایمه ین تورپاق یاشیل پالتار بوروننمز
سو بیر یئرده قالار اولسا، اولار باتلاق سوروننمز
برکت سیز حرکتدن کرامت لر گؤروننمز
حرکتده برکت دیر اودور پایا دیر عاشورا
آداملیق قیتلیغا دوشسه ده یر تاپسا قودورقانلار
یانار داغ تک غضبیندن چکر اودلو نفس جانلار
عدالت سیز لییه قارشی دامارلار دا قیزار قانلار
بیلیر ظالیم کی مظلومه بو گون ماوا دیر عاشورا
دؤزولمز دردرن دولدو او زامان کی قانا گؤزلر
بوغازلاردا دویونلندی سینه لرده قالان سؤزلر
دوشونن کیمسه یه اولدو دیریلیک یاندیران کؤزلر
اؤلوم بیر اویغو دیر شیرین اونا رؤیا دیر عاشورا
مروت تاریخین باسمیشدی توز،کوسموشدور اینسانلیق
آیاقلانمیشدی دوزلوکلر، ده یر تاپمیشدی حیوانلیق
یارامازلار اولوب حاکیم، اوماردی جهل سولطانلیق
قانی شمشیرلره کسکین ائدن طغری دیر عاشورا
بوشونا اسمه یین یئللر داها ظولمه دؤزوم بسدیر
قانادلان شستیوه قوربان قیامین پرچمین اسدیر
کی عاشورا جانیقمیش لار بوغازیندان قوپان سسدیر
باشینی ساحیل ظولمه دؤین دالغا دیر عاشورا
بوغازلاردان سوزن قاندیر شفق لرده گؤرونن قان
بو قانلارلا حقیقتده تاپار اؤز من لییین اینسان
سینار اووسونلارین سددی بولونر معنی عیرفان
ایناملی باشلارا کؤلگه سالان طوبا دیر عاشورا
آتیلان داشلارا هر یاندا کی باشلار دییه لر دیر
دیری کن قویلانان حققه مزارلیقلار یییه لر دیر
بوغازلاردا سوزن قانلار دوداقلانماز نییه لر دیر
ندن سیز حاخلانان قولدورلوغا آمما دیر عاشورا
دورو بیر چشمه دیر روحوم، ایرینلر له قاریشانماز
گونش دن پای آلان طبعیم قارانلیقلا باریشانماز
اوجا همت یاریشیندا یارارسیزلار یاریشانماز
چیلله قووردو اثر استاد حیدر عباسی (باریشماز)
شاختادیر هاوانین الینده قیرمانج،
قورخودان اسیرلر زاغ-زاغ بوداقلار،
آغ کورکه بورونوب دره‌لر، داغلار،
توتوبلار داغلارا آینا شافاقلار.
گئجه‌نین قویوسو آچیبدیر آغزین،
گونشین آیاغی بودره‌ییر، باتیر،
سون ایشیق قویودان یوکسلن زامان،
اسنه‌ین داغلاردا مورگولور یاتیر.
چیلله‌قوودو ائدیر بو آخشام شهر،
آیی تک توستوده شاختا بوغولور،
داملارین اوستونده یانیر تونغاللار،
گئجه‌نین باغرینا خنجر سوخولور.
قیزیشارکن اوددا بالاجا قیزیم،
خیاللار قوینوندا اگلنجه قورور،
اوزونه یاییلیر ابهام اؤرتوسو،
گؤز تیکیر گؤزومه توموخور دورور.
سؤیله‌یین بیر گؤروم کیمدیر بو چیلله،
آلاودا یاندیریب تینده بوغورسوز؟
جوجه‌لر قانلیسی تولکودور مگر؟
یوواسین اوتلاییب ایتله قووورسوز؟
ناغدا تک باشینی تومارلایارکن،
سؤیلورم یوخ قیزیم، یانیلما آرتیق،
بو چیلله نه قورددور، نه ده تولکودور،
نه ده شر گیزله‌نن کؤهنه داغارجیق.
اوزونلو گئجه‌دن بئزیکن زامان،
خیاللار آتینی تومارلار انسان،
پیس گونون ائنینیدن بویوندان کسر،
قیسسالدار عؤمرونو بودارلار انسان.
پیس گونون عؤمورو اوزون اولسا دا،
خورسانیر، دیرده(؟) انسان اسگیدن.
سازاقدان، شاختادان آغیر نفرتین،
بئلنچی بیلدیریب انسان اسکیدن.
شاختانین قوینوندا، قاردا، بوراندا،
انتظار گؤزوموز یئنه یازدادیر،
دیدرگین بولبولون، تالانان یازین،
نغمه‌سی اورکده، سؤزو سازدادیر.
دؤزومون الیله انسان هر زامان،
کدرین اونودوب، دوگونون آچیب،
قیش عؤمرون دوغراییب، بودارلاماقدا،
حکمت‌لر گیزله‌نیب معنالار یاتیب.
یامانین دالینجا قیزیم هر زامان،
رسمیدیر چالینار بیر قارا بایداق،
معناسی بودور کی یامانین سسی،
سال آتدان اوجالسین، دؤنمه‌سین آنجاق،
آز یاشا، دوز یاشا سن ده عؤمرونده،
اومیدلر دینله‌دن اینجه بیر ساز اول،
اوزونلو قیش اولما، بئزدیریب یوران،
خلقیوه بیر گونلوک باهار اول، یاز اول.
بیر اوزون یاز اولسون، بیر اوزون ده قیش،
یاخشی‌یا، یاخشی اول پیسینن آتیش،
ناغیللار بزگی پریلر کیمی،
باتلاغا باتانین الیندن یاپیش،
ائله قایغی چکن آز دا یاشاسا،
ائل اونا ابدی حیات باغیشلار،
اوزالدار عؤمرونو آرزیلار کیمی،
آدینی سیلممز یاغان یاغیشلار.
داغ بویو کول اولما بیر آز سورمه اول،
گؤزللر گؤزونه یاخسینلار سنی،
یانگینان یاغ کیمی حق چیراغیندا،
اورکده یاشاتسین قالانلار سنی.
حیاتین اولماسین پولاد اؤز قیلینج،
شیمشک تک ظالیمین الینده شاخسین،
بیر گونلوک چیچک اول گؤزللر سنی،
سئوینجله قوپاریب، یاخایا تاخسین.
قورشون تک داملاما حسرت گؤزوندن،
گولوش اول دوداقدا غنچه تک آچیل،
یازلارا آداخلان چیچکلر کیمی،
پارلایان قندیل اول اورکدا آسیل.
قیش – ۱۳۶۳
حیدر عباسی/ باریشماز/ ۱۳۲۲
سازاخ چالیر ، كولك اوینور گولور قار
سورگون یازام قوغولماقیم بللیدیر
اوزاق ایسه گورونن داغ یاخیندیر
دیری گوزلو سویولماقیم بللیدیر
وارلیق سازین غم دیندیریر چالیر غم
غم قالاغین سینه م اوسته قالیر غم
وصلین جامین ایچن یئرده جالیر غم
غم سئلینده بوغولماغیم بللیدیر
جاوانلاشان غملر منی قوجالدیر
غم داغینی سینه م ایچره اویالدیر
اجل قوردون آج ساخلاییر آجالدیر
دیزیم گلمیر یورولماقیم بللیدیر
اومما مندن سوزدن قفس توخویام
ساغدان یازام دونوب سولدان اوخویام
من باتلاقا دونمه میشم قوخویام
آخارسویام دورولماقیم بللیدیر
گنجه لرین ناققاسینا اودولسام
سورگون دوشوب آزغین لارا توتولسام
قوقنوس كیمی اولومومدن یاز تورر
اوز كولومدن دوغولماقیم بللیدیر
********
:: موضوعات مرتبط:
مشاهیر مراغه ,
,
:: برچسب‌ها:
مشاهیر مراغه ,
عضو شوید
عضویت سریع
آمار مطالب
آمار بازدید
آمار
وب سایت:
